Ambatobe-Antananarivo, Faritra Analamanga » Atelier de validation national de la revue mi parcours du PDACM »
Notontosaina tao Ambatobe-Antananarivo ny 24 Jolay 2025 ny ambohi-pihaonan’ireo mpisehatra amin’ny fampamokarana ny aty ranomamy izay nosakafan’Atao Tale Jeneraly ny Toekarena Manga eo anivon’ny Ministeran’ny Jono sy ny Toekarena tamin’ny fomba ofisialy. Tanjona ny nanaovana jeritodika ireo efa vita amin’ny fanatanterahana ny drafitry ny fampandrosoana ny fampamokarana ny atiranomamy na ny PDACM, ireo olana sy ireo sos-kevitra ho fanatratrarana ny tanjona voasoratra anaty PDACM. Nivoitra tamin’izany fa maro ireo asa vita, toy ny fametrahana drafitrasa famokarana zanatrondro tsara kalitao na ny ZEP, ny fampiofanana ny fiompiana trondro sy ny maro hafa. ankoatr’izay anefa dia mbola maro ny ezaka tokony hatao eo amin’ny fametrahana fampamakorana ny atirano tsara tantana isan’izany ny fananganana sehatra ifanakalozan-kevitra sy vaovao ho an’ireo mpandray anjara rehetra amin’ io sehapihariana io. Taminny alalan’ny asam-bomiera moa no nandrafetana sy namoahana ny tsoan-kevitra nandritra ity atrikasa ity #MPEB #DA #GIZ_ASAM
DG FAO : TONGA NITSIDIKA NY ROYAL TILAPIA TENY AMBATOLAMPY TSIMAHAFOTSY FARITRA ANALAMANGA
Taorian’ny fihaonana ara-teknika niarahana tamin’Atoa Dr Qu Dongyu izay Tomponandraikitra voalohany manerantany #momba_ny_sakafo eto anivon’ny #Firenena_Mikambana dia nisy ny fitsidihana ny Royal Tilapia izay Toeram-pamokarana trondro no Sady mamokatra sakafon-trondro ihany koa Anio 25 Jolay 2025. Teny an-toerana ny Minisitry ny Jono sy ny Toekarena Manga MAHATANTE Paubert niara- nandray azy ary nifampitafa mahakasika ny famokarana trondro eto Madagasikara amin’ny ankapobeny, teny an-toerana ihany koa ireo Tompon’andraikitra isan-tsokajiny avy ao amin’ny FAO , sy ireo teknisianina avy eto anivon’ny Ministera. Nandritra ny fitsidihana dia Nisy ny fifampizarana traikefa niaraka tamin’Atoa tale Jeneraly sy ireo dingana nolalovany rehetra teo amin’ny sehatry fiompiana trondro . Nanome Toro-marika ihany koa ny tenany ahafahana mamokatra bebekokoa sy ahafahana mampiakatra hatrany ny tahan’ny fihinanan’ny malagasy trondro noho izy ity sakafo ara-pahasalamana no manampy amin’ny ady amin’ny Tsy fanjarian-tsakafo. Marihina fa tetikasa 07 momba ny jono sy ny fihariana anaty rano izay mitetina USD2.225 tapitrisa no tantsoroka nataon’ny FAO nanomboka ny taona 2021. #Royal_Tilapia #Ambatolampy_Tsimahafotsy #MPEB_FAO
MINISITRY NY JONO SY NY TOEKARENA MANGA : RAY MPIAHY NY FAMOAHANA IREO MPIANATRA ANDIANY « KANTY » (2023-2024) MBC Ivato Antananarivo, analamanga
Notanterahina Anio 24 Jolay 2025 ny Famoahana ireo mpianatra nahavita fianarana isan’ambaratongany avy izay nandranto fianarana tao amin’ny ESSCA Antanimena. « KANTY » Io no anarana nomena ireo andiany ireto izay midika fa mamiratra ireo mpianatra Ary mahay. Ny Minisitry ny Jono sy ny Toekarena Manga MAHATANTE Paubert kosa no voafidy ho ray mpiahy azy ireo. Eto Vao tena manomboka hoy A/toa Minisitra satria hitarika ny ho aviny izy ireo na eo amin’ny sehatry ny asa izany na amin’ny lafim-piainana manontolo , ny fahaizana no tena manan-danja indrindra Raha te hioatra amin’ny fiainana hoy izy Ary mila miharitra sy milofo raha te hanatratra ny tanjona hiriana . Nirary soa azy ireo ny tenany arak’izany Ary nankasitraka ireo mpanabe sy raiamandreny rehetra tsy nikely soroka tamin’ny nahatafitana ireo zanaka . #SORTIE_DE_PROMOTION_KANTY
TETIKASA PROFISH BLUE : NANOLOTRA « CAMION FRIGORIFIQUE » MAHAZAKA VOKATRA MANODIDINA NY 3 TAONINA
Nanisana Antananarivo, Faritra Analamanga. Niampy iray indray ny fiara lehibe izay ahafahana #mamoaka ireo vokatra an-dranomasina any amin’ireo toerana #saro_dalana ankehitriny. Tsy atahorana ho Simba arak’izany ireo vokatra fa #azo_tehirizina tsara mandram-pahatonga any an-tanan-dehibe izay hivarotana azy ireo . Marihina fa Manamora ny fitadiavana #lalam_barotra ho an’ireo mpanjono ihany koa ny fisian’ny fitaovana toy izao . Anio 24 Jolay 2025 no nandraisana ity « Camion frigorifique » ity izay Fiaraha-miasan’ny Ministeran’ny Jono sy ny Toekarena Manga #MPEB sy ny #SADC tamin’ny alalan’ny Tetikasa #Profish_blue izay vatsian’ny #BAD na ny banque africaine de développement vola. Vokatra an-dranomasina 3 taonina eo ho eo no zakan’ity camion frigorifique ity , izay no ahafahantsika manatsara ny rojom-pihariana Ary ny avy eo anivon’ny #RENAFEP ( Reseau National des femmes de la pêche) kosa no hitantana azy . Ministère de la Pêche et de l’Economie Bleue MAHATANTE Tsimanaoraty Paubert #Profish_Blue #SADC #CAMION_FRIGORIFIQUE #BAD
Kaominina Beforona sy Morarano Gara,Distrikan’i Moramanga, Faritra Alaotra Mangoro. Famatsiana fitaovana ireo mpiompy trondro efa voaofana.
Mitohy hatrany ny tantsoroka sy famatsiana fitaovana ireo mpiompy trondro avy amin’ny Ministeran’ny Jono sy ny Toekarena Manga miaraka amin’ireo mpiara-miombon’antoka aminy. Mpisitraka 51 nahazo fiofanana maimaimpoana ao amin’ny Kaomininana Morarano Gara sy Beforona Distrikan’i Moramanga no notolorana fitaovana isan-karazany miisa 408 toy angady,koveta sy ny maro samihafa. Nanolotra izany tany antoerana ny ekipan’ny CirPEB Moramanga.Tontosa izao noho ny fiaraha-miasa amin’ny fandaharan’asa PREAA (Aty ala atsinana Émission Réduction Program). Tanjona ny fampidirana azy ireo amin’ny sehatra matianina .Aorian’ny fahitan’ny dobon’izy ireo dia mbola hozaraina zanatrondro miaraka amin’ny sakafony izy ireo. #MPEB #DRPEB #Alaotra_Mangoro #CirPEB_Moramanga #Fampitaovana_mpiompy_trondro #PREAA
Drones roa (02) hampiasain’ny CSP na ny Centre de Surveillance des Pêches hiadiana amin’ny Jono tsy manaradalana, tsy voafanambara ary tsy voafehin-dalàna
JONO TSY MANARA-DALANA : NIAMPY IREO FITAOVANA ENTINA HITSIRIHANA NY SISIN-DRANOMASIN’ I MADAGASIKARA Ankoatr’ireo Sambo miisa 25 izay fitaovana hananantsika entina miady amin’ny Jono tsy manara-dalana eto Madagasikara dia niampy indray izany ankehitriny satria nanolotra #Drone miisa 02 entina hanatsarana izany ady izany ny eo anivon’ny #WWF izay mpiara-miombon’antoka no miara-miasa akaiky amin’ny Ministeran’ny Jono sy ny Toekarena Manga amin’ny fampiroboroboana ny sehatry ny Jono. Miavaka Ary mora hampiasaina ity fitaovana iray ity satria dia vita avy amin’ny akora fototra izay misy eto Madagasikara avokoa anisan’izany ny polystyrène. Hisy arak’izany ny fampiofanana omena ireo teknisianina eto anivon’ny Ministera izay hidina ifotony ahafahan’izy ireo mampihatra izany avy hatrany ahafahana manafoana aignana ity Jono tsy manara-dalana ity. Hirariana mba hitombo hatrany ireo fitaovana entina mitsirika satria midadasika ny sisin-dranomasin’ i Madagasikara ,Ary izao no atao dia hananantsika ilay #FANJONOANA_MAHARITRA HO #LOVAIN_JAFY. Ministère de la Pêche et de l’Economie Bleue WWF Madagascar #CENTRE_DE_SURVEILLENCE_DE_PECHE #LUTTE_PECHE_INN
Kingston, Jamaïque: Atriakasa miompana @ny tontonlony ati-ranomasimbe na « DEAPSEA DIALOGUE ».
Tontosa tao amin’ny Hôtel Courtyard Marriott, Kingston, Jamaïque ny faha 20 Jolay 2025 ny atrikasa momba ny tontolo ny ati-ranomasina na « fond marins » « DEEPSEA DIALOGUE » izay tafiditra amin’ny fanomanana ny fihaonambe faha-30 ny « autorité internationale des fonds marins » na AIFM izay miadidy ny fitantanana ny ranomasimbe ivalany faripiadidiany firenenana tsirairay na « zone au-delà de la juridiction nationale ». Isany voantso i Madagascar amin’ny alalan’ny Ministera ny Jono sy ny Toekarena Manga ka ny #DRPEB_Fitovinagny no solo-tena amin’ny zany. Tanjon’ny atrikasa ny hifampizara ny ezaka vita ny #AIFM sy ireo tsindry mety hisy raha toa ka miditra amin’ny fitrandrahana ireo metaly sy mineraly sarobidy ao ambany ranomasina na « deepsea mining » ireo ny zanakolombelona. Maro ireo mpikaroka mampitandrina fa hanimba ny tontolo iainana an-dranomasina ny mety ho fidirana amin’io fitrandrahana io ka mety hampididoza hoan’ny taranaka. Efa misy ny fandrafetanana volavolan-dalàna na « projet de code minier » ataon’ny AIFM hifehezana ny « deepsea mining » saingy tsy tokony atao ankamehana izany. Nifarana tamin’ny adi-hevitra na « panel de discussion » ny atrikasa ka manampahaizana momba ny lalàna sy Toekarena ary siansa biolojia no niara-nikaondoha sy nanao antso ny firenena rehetra mba tsy hanaiky ny fidirana amin’ny fitrandrahana raha tsy feno ireo fahalalana ara-tsiansa afahana mamaritra mialoha ny voka-dratsy ny fitrandrahana, ary raha tsy tafapetraka ny cadre légale « code minier » izay afaka miaro ny tombontsoa ny taranaka ankehitriny sy hoavy. Ny IUCN, miaraka amin’ny DONA Bertarelli philanthropy ary ny OCEANO AZUL Foundation no niara-niasa nikarakara ny atrikasa izay niarahan’izy ireo nanomana tamin’ny AIFM. Tonga nanotrona izany moa ny Sekretera Jeneraly ny AIFM, Ramatoa LEITHICIA Carvalho. #MPEB
Kaominina Ambonivohitra Toliara,Faritra Atsimo Andrefana :Atrikasa fampahafantarana sy fampiroboroboana ny tetikasa ACB sy ORIANO.
Notanterahina tao amin’ny hôtel “Étoiles de Mer” ao Toliara ny faha 17 Jolay 2025 lasa teo ny atrikasa iray nokarakarain’ny Fikambanana ACB na “Action for Community and Biodiversity”. Ity atrikasa ity izay natao manokana mba hampahafantarana sy entina hampiroboroboana ny tetikasa roa lehibe dia ny tetikasa ACH (Action de Conservation des Herbiers marins) sy ny ORIANO. Ireo tetikasa roa ireo dia mikendry ny hanarenana sy hiarovana ireo rohivoahary an-dranomasina. Ny tetikasa ORIANO dia haharitra 4 volana ary ao amin’ny faritry ny Fkt Beravy sy Ifaty no hanatanterahina azy. Etsy ankilany kosa ny tetikasa ACH kosa dia haharitra 18 volana ary hifantoka amin’ny faritry ny Fkt Betsibarika, Madiorano, ary Ambalaboy. Anisan’ny fanamby lehibe mety hatrehin’ireo tetikasa ireo ny fampihenana na ny hanafoanana mihintsy ny fampiasana “draonto” na “tarikaky”, izay fomba fanjonoana manimba ny hazan-dranomasina ary eo andalampitadiavana paikady hiadiana amin’izany ny tetikasa amin’izao fotoana izao. Naroso ho vahaolana vonjimaika hiatrehina izany ary ary tapaka nandritra ny atrikasa ny fampiharana ny “DINABE” izay mikendry ny hametrahana ireo fitsipika hifampifehezana eo amin’ny fiaraha-monina mba hampihenana ny fampiasana ireo fomba fanjonoana manimba sy hiantohana ny fahombiazan’ny asa fiarovana. Tonga nanatrika sy namaly ny fanasana ireo solontena avy amin’ireo sampan-draharaha isan-karazany ka anisan’izany ny solontena avy amin’ny DRPEB (Direction Régionale de la Pêche et de l’Économie Bleue) Atsimo Andrefana , ny avy eo amin’ny Kaominina Ambanivohitra Belalanda, ary ny Distrikan’i Toliara-II. Nanatevin-daharana azy ireo ihany koa ireo solontenan’ny mpanjono sy ny Sefo Fkt avy amin’ny faritra voakasik’ireo tetikasa ireo. #MPEB #DRPEB_Atsimo_Andrefana #ACB #ACH #ORIANO
Fenoarivo Atsinanana, Faritra Analanjirofo: « Réunion comité mixte ».
Notanterahina tao Fenoarivo Atsinanana ny 08 Jolay 2025 ny « réunion comité mixte » amin’ny fanatanerahana ny RSE ho an’ny mpanjono vaventy manao jono makamba ao aminy Zone D1 . Fivorina izay notarihany Atoa Tale misahana ny Jono notronin’Atoa Tale Kabinetran’ny Ministera miaraka amin’ny Atoa Tale CSP. Nandray anjara tamin’izany fivorina izany ihany koa ny Talem-paritra ny Jono Atsinanana sy Analanjirofo, ny solontenany Talem-paritra ny tontolo iainana sy fandrosoana lovainjafy ny Atsinanana sy Analanjirofo; ny solontenany orinasa mpanjono ary ireo solontenany mpanjono. Nandritra izany fivorina izany no nanaovana tatitra ny zava-bita sy fandaniana ny tetibola taona 2023-2024. Nandinihina ireo tetikasa izay ho atao amin’ity 2025 ity. Narahina ny fizarana ireo teti-bola ampiasaina ato anatiny faritra izany dia ny Faritra Atsinanana sy Analanjirofo izay samy anatiny Zone D1 avokoa. #MPEB #Jono #ZoneD1
Fkt Anosy,Kaominina Ambanivohitra Anosiala,Faritra Fitovignany. Fanamafisana ny Fanentanana amin’ny ady atao amin’ny ICAM « Intoxication par la Consommation d’ Animaux Marins »
Tontosa ny 08 Jolay 2025 teo tao amin’ny Fkt Anosy, ao amin’ny Kaominina Ambanivohitra Anosiala, ao anatin’ny distrikan’i Manakara, ny hetsika fanamafisana ny fanentanana momba ny ICAM (Intoxication par Consommation d’Animaux Marins) na ny fanapoizinana ateraky ny fihinanana hazan- an-dranomasina sasantsasany miondra fanapozinana izay notanterahan’ny ekipa avy ao amin’ny Direction Régionale de la Pêche et de l’Économie Bleue (DRPEB) Fitovignany .Ity hetsika ity dia natao mba hampahafantarana sy hampahalalana ireo mponina ao an-toerana ho mailo hatrany manoloana ny loza mety hitranga. Maro dia maro no tonga nifamory tamin’ity hetsika ity izay nahitana mpanjono sy vehivavy ary ankizy ka nandritra ny fanentanana dia nifampizarana tamin’izy ireo ny fampahalalana ilaina rehetra mifandraika amin’ny ICAM. Anisan’izany ny fampahafantarana ny karazana trondro sy biby an-dranomasina tsy azo hoanina na hamidy indrindra mandritra ny vanim-potoana mafana na rehefa manatody satria mety hiteraka fanapoizinana. Nohamafisina ihany koa ny maha-zava-dehibe ny fitandremana mba tsy hisian’ny loza mety hanohintohina ny fahasalamana. Ho fanamafisana ity hetsika ity dia nisy ihany koa ny fizarana takelaka na “posters” ho an’ny mponina izay misy sary sy anaran’ireo karazana hazan-dranomasina mety hiteraka izany fanampoizinana izany mba ho fitaovana enti-manampy ny vahoaka hahafantatra tsara ireo karazana trondro tsy tokony hohanina na hamidy. Nanamafy ny tompon’andraikitra fa tanjona ny hiarovana ny fahasalaman’ny mponina sy hiantohana ny fiarovana ny tontolo an-dranomasina amin’ny alalan’ity fanentanana ity. #MPEB #DRPEB_Fitovignany #IFanentanana_Ifotony #ICAM