𝐀𝐓𝐑𝐈𝐊𝐀𝐒𝐀 𝐅𝐀𝐍𝐃𝐑𝐀𝐕𝐎𝐍𝐀𝐍𝐀 𝐍𝐘 𝐅𝐀𝐍𝐀𝐕𝐀𝐎𝐙𝐀𝐍𝐀 𝐍𝐘 𝐅𝐄𝐇𝐄𝐙𝐀𝐍-𝐃𝐀𝐋𝐀̀𝐍𝐀 𝐌𝐈𝐅𝐄𝐇𝐘 𝐍𝐘 𝐉𝐎𝐍𝐎 𝐒𝐘 𝐍𝐘 𝐅𝐈𝐎𝐌𝐏𝐈𝐀𝐍𝐀 𝐀𝐍𝐀𝐓𝐘 𝐑𝐀𝐍𝐎. [𝐀𝐧𝐨𝐬𝐲-𝐀𝐧𝐭𝐚𝐧𝐚𝐧𝐚𝐫𝐢𝐯𝐨: 𝟐𝟎 𝐀𝐨𝐠𝐨𝐬𝐢𝐭𝐫𝐚 𝟐𝟎𝟐𝟔]

✅ Ny Lalàna laharana faha-2015-053 tamin’ny 03 Febroary 2016, novaina sy nofenoin’ny Lalàna laharana faha-2018-026 tamin’ny 26 Desambra 2018, mikasika ny Fehezan-dalàna no mifehy ny Jono sy ny Fiompiana anaty Rano. 𝑨𝒏𝒌𝒆𝒉𝒊𝒕𝒓𝒊𝒏𝒚, miroso amin’ny fanavaozana izany ny Minisiteran’ny Jono sy ny Toekarena Manga mba hamolavola fehezan-dalàna maoderina, maharitra ary afaka mamaly ny filàn’ny sehatra hatramin’ny 50 taona ho avy, sady mifanaraka amin’ny zava-misy eto amin’ny firenena sy ireo fifanarahana iraisam-pirenena noraisin’i Madagasikara.

👉 Zava-dehibe ny fanavaozana ny fehezan-dalàna mba hanamafisana ny fitantanana maharitra, ny mangarahara, ny fandrindrana ary ny fifandanjan’ny tombontsoa eo amin’ireo mpisehatra manoloana ny fivoaran’ny sehatry ny jono sy ny fiompiana anaty rano, ary ny lanjany ara-toekarena izay ahitana mpisehatra mivantana sy ankolaka.Arak’izany dia tanterahina eny amin’ny Motel Anosy-Antananarivo mandritra ny roa andro ny atrikasa fandravonana ny fanavaozana ny fehezan-dalàna mifehy ny Jono sy ny Fiompiana anaty rano.

👉 Anisan’ny fanavaozana lehibe ny fitantanana iarahana sy ny fandraisan’anjaran’ny vondrom-piarahamonina, ny mangarahara eo amin’ny sehatry ny jono, ny fanaraha-maso sy ny ady amin’ny jono tsy ara-dalàna, ary ny fanamorana ny dingana ara-pitantanana amin’ny fiompiana anaty rano. Hamafisina ihany koa ny rafitra momba ny fanaraha-maso ara-pahasalamana ny vokatra sy ny fahasalaman’ireo zava-manan’aina anaty rano, indrindra amin’ny alalan’ny « biosécurité » sy ny fepetra fisorohana ny aretina.

#MPEB #PPSPAS #FAO #GIZ #WCS #WWF #BLUE_VENTURES #APDRA #MIONJO #DAJC #Fanavaozana #Lalàna #Jono #Fiompiana_anaty_rano