𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐦𝐢𝐫𝐨𝐬𝐨 𝐚𝐦𝐢𝐧’𝐧𝐲 𝐟𝐚𝐧𝐢𝐭𝐚𝐫𝐚𝐧𝐚 𝐧𝐲 𝐟𝐢𝐚𝐫𝐚𝐡𝐚-𝐦𝐢𝐚𝐬𝐚 𝐢𝐫𝐚𝐢𝐬𝐚𝐦-𝐩𝐢𝐫𝐞𝐧𝐞𝐧𝐚 𝐡𝐨 𝐟𝐚𝐦𝐩𝐚𝐧𝐝𝐫𝐨𝐬𝐨𝐚𝐧𝐚 𝐧𝐲 𝐉𝐨𝐧𝐨 𝐬𝐲 𝐧𝐲 𝐓𝐨𝐞𝐤𝐚𝐫𝐞𝐧𝐚 𝐌𝐚𝐧𝐠𝐚

Ampandrianomby, 03 Aogositra 2026.

Anisan’ireo firenena maneho ny fahavononany hanamafy ny fiaraha-miasa eo amin’ny sehatry ny jono sy ny toekarena manga, indrindra amin’ny alalan’ny fifanakalozana traikefa sy fahaiza-manao ny firenena Iranianina ankehitriny.

Manana traikefa sy fahaiza-manao lehibe eo amin’ny sehatry ny Jono i Iran, izay azo trandrahina sy ifampizarana amin’i Madagasikara. Anisan’izany ny fiompiana trondro an-dranomasina, sehatra iray izay mbola mila hamafisina sy hampivelarina bebe kokoa eto Madagasikara. Raha toa ka efa manana traikefa lehibe amin’ny famokarana makamba i Madagasikara, dia mbola misy ezaka tokony hatao amin’ny fampiroboroboana ny fiompiana trondro an-dranomasina.

Marihina fa samy mpikambana ao anatin’ny 𝗜𝗻𝗱𝗶𝗮𝗻 𝗢𝗰𝗲𝗮𝗻 𝗥𝗶𝗺 𝗔𝘀𝘀𝗼𝗰𝗶𝗮𝘁𝗶𝗼𝗻 (𝗜𝗢𝗥𝗔) i Madagasikara sy Iran. I Madagasikara, amin’ny maha-mpikambana mavitrika azy ao anatin’ity fikambanana ity, dia manamafy hatrany ny politikany amin’ny fanitarana sy fanamafisana ny fiaraha-miasa amin’ireo firenena hafa, indrindra amin’ireo sehatra ahafahana mampiroborobo ny tombontsoa iombonana.

Ao anatin’ny dingana manaraka, dia kasaina hapetraka haingana ny Volavolam-pifanaraham-piaraha-miasa
𝗠𝗢𝗨 – 𝗠𝗲𝗺𝗼𝗿𝗮𝗻𝗱𝘂𝗺 𝗼𝗳 𝗨𝗻𝗱𝗲𝗿𝘀𝘁𝗮𝗻𝗱𝗶𝗻𝗴) eo amin’i Madagasikara sy Iran.
Ity MOU ity no ho lasitra lehibe handraketana ny fifankahazoana, ny fanekena ary ny finiavana hiara-hiasa eo amin’ny roa tonta.

𝗧𝗮𝗻𝗷𝗼𝗻𝗮 : 𝗻𝘆 𝗵𝗮𝗺𝗽𝗶𝘁𝗼𝗺𝗯𝗼 𝗻𝘆 𝗳𝗶𝗳𝗮𝗻𝗮𝗸𝗮𝗹𝗼𝘇𝗮𝗻𝗮 𝘁𝗿𝗮𝗶𝗸𝗲𝗳𝗮 𝘀𝘆 𝘁𝗲𝗸𝗻𝗼𝗹𝗼𝗷𝗶𝗮, 𝗵𝗮𝗻𝗮𝗺𝗮𝗳𝘆 𝗻𝘆 𝗳𝗮𝗵𝗮𝗶𝘇𝗮-𝗺𝗮𝗻𝗮𝗼𝗻’𝗶𝗿𝗲𝗼 𝗺𝗽𝗶𝘀𝗲𝗵𝗮𝘁𝗿𝗮 𝗮𝗺𝗶𝗻’𝗻𝘆 𝗷𝗼𝗻𝗼, 𝗮𝗿𝘆 𝗵𝗮𝗺𝗽𝗶𝗿𝗼𝗯𝗼𝗿𝗼𝗯𝗼 𝗻𝘆 𝗳𝗮𝗺𝗽𝗮𝗻𝗱𝗿𝗼𝘀𝗼𝗮𝗻𝗮 𝗺𝗮𝗵𝗮𝗿𝗶𝘁𝗿𝗮 𝗻𝘆 𝘀𝗲𝗵𝗮𝘁𝗿𝘆 𝗻𝘆 𝗝𝗼𝗻𝗼 𝘀𝘆 𝗻𝘆 𝗧𝗼𝗲𝗸𝗮𝗿𝗲𝗻𝗮 𝗠𝗮𝗻𝗴𝗮 𝗲𝘁𝗼 𝗠𝗮𝗱𝗮𝗴𝗮𝘀𝗶𝗸𝗮𝗿𝗮

Ministère de la Pêche et de l’Economie Bleue

#MADAGASCAR
#IRAN