π€π“π‘πˆπŠπ€π’π€ π…π€πŠπ€π-πŠπ„π•πˆπ“π‘π€ π‡πŽ π…π€ππ€πŒπ€π…πˆπ’π€ππ€ 𝐍𝐘 ππŽπ‹πˆπ“πˆπŠπ€πŒ-ππ€π‘πˆπ“π‘π˜ 𝐍𝐘 π‰πŽππŽ π’π˜ 𝐍𝐘 π…πˆπŽπŒππˆπ€ππ€ π€ππ€π“π˜ π‘π€ππŽ π„πŽ π€ππˆπ•πŽπ’𝐍𝐘 𝐒𝐀𝐃𝐂.

𝐈𝐯𝐚𝐧𝐝𝐫𝐲-π€π§π­πšπ§πšπ§πšπ«π’π―π¨: 𝟐𝟏 πŽπ€π­π¨π›π«πš πŸπŸŽπŸπŸ”

Tanterahina eny Ivandry, Antananarivo, ny 21 ka hatramin’ny 23 Oktobra 2026, ny atrikasa fakan-kevitra ho fanamasinana ny politikam-paritry ny Jono sy ny Fiompiana anaty rano eo anivon’ny SADC. Atrikasa tanterahin’ny GIZ ao anatin’ny Tetikasa maneran-tany Β« Aliments Aquatiques Durables Β», izay tohanan’ny Vondrona Eoropeanina sy ny Minisiteran’i Alemana (BMZ) ara-bolaΒ Β».

Tanjona ny hanangonana ny hevitra sy ny tolo-kevitry ny mpisehatra eto Madagasikara mba hampifanaraka ny laharam-pahamehana ho an’ny Firenena amin’ny paikady isam-paritra ho an’ny Jono sy ny Fiompiana anaty rano. Arak’izany dia hodinihina mandritra ny telo andro ireo loha-hevi-dehibe miisa telo dia: ny fifanarahan’ny OMC ny fanampiana ara-bola amin’ny jono izay hanamafisana ny ady amin’ny jono INN sy ny fitrandrahana tafahoatra ny harena anaty rano, ny torolalana avy amin’ny FAO amin’ny famapaharetana ny jono madinika, ary ny fanavaozana ny paikady sy ny drafitr’asan’ny SADC momba ny fiompiana anaty rano ho an’ny taona 2026–2036.

Nanokatra ity atrikasa ity tamin’ny fomba ofisialy moa Atoa Simon RAHARIMANDIMBY, Tale Jeneralin’ny Jono sy ny Fiompiana anaty Rano eo anivon’ny MPEB , notronin’Atoa Masoivohon’ny Repoblika Federalin’i Alemana eto Madagasikara sy ireo solontenan’ny SADC.

#MPEB #GIZ #BMZ #SADC #OMC #Jono #Fiompiana_anaty_rano #paikady

Laisser un commentaire

Votre adresse e-mail ne sera pas publiΓ©e. Les champs obligatoires sont indiquΓ©s avec *