MME JOELINE : VEHIVAHY MPANDRAHARAHA MIVELONA AMIN’NY ASA FIOMPIANA TRONDRO
Ste Augustin, Vatomandry . Tanora Vao erotrerony i R/toa Joceline dia efa manana ny asa fandraharana izay mampiavaka azy manokana eto Vatomandry. Nanomboka ny taona 2016 ny tenany no niditra tao anatin’ny sehatry ny fiompiana trondro satria Mbola Malalaka hoy izy ny lalam-barotra ho an’ity sehatra iray ity no asa mahavelona ihany koa . karazana Fiompiana trondro ivelan’ny Tany no hataony izay ahitana Dobo lehibe miisa 3 Ary salantsalany miisa 4 satria tsy trondro ihany fa efa manomboka miompy makamba 🦐 tsikelikely ihany koa ny tenany . Raha ho an’ny sakafo indray dia ny fiompiana lalitra mahasoa na BSF no hataony fanampin-tsakafo ho an’ireo trondro. Reharehan’ny fianakaviana sy vatomandry ny fanana Tanora Vonona Ary mahaleo tena tahaka azy Raha nambaran’ny RAD eo an-tanana. Nifampitafa mivantana taminA/toa Minisitra MAHATANTE Paubert izy Anio ka nanome toky azy ny Minisitra fa ho tohanan’ny Ministera ity asa fandraharana izay ataony ity. Ary mamporisika hatrany ireo vehivavy Tanora toa azy izy tsy hipetraka amin’ny maha renim-pianakaviana fotsiny fa hanana saina toa karokaroka hatrany. Ministère de la Pêche et de l’Economie Bleue #FANDRAHARANA #FIOMPIANA_TRONDRO #VATOMANDRY #FARITRA_ATSINANANA
Ampefy, Faritra Itasy: Atrik’asa fakan-kevitra, fandinihana ireo volavolan-didim-pitondrana miompana amin’ny fanatsarana ny fitantanana ny jono an-dranomasina mba ho antoky ny fampandrosoana sy mba hisian’ny fahavitantena ara-tsakafo eto Madagasikara
Notanterahina ny faha 28 jolay ka hatramin’ny 01 aogositra 2025 tao Ampefy, Faritra Itasy ny atrik’asa fanka-kevitra, fandinihana ireo volavolan-didim-pitondrana mifandraika amin’ny fifanaraham-panjonoana lasitra, ny fitantanana ny jono an-dranomasina amin’ny ankapobeny ary ireo fepetra manokana momba ny jono lamatra sy ny mety ho fiarovana ihany koa ireo hazandranomasina sasantsasany. Nanome ny tantsoroka amin’ny fanatotosana ity atrik’asa ity moa ny WWF ary nahitana ny fandraisan’anjara mavitrik’ireo mpisehatra maro ao amin’ny seha-pihariana jono toy ny avy amin’ny Ministeran’ny Jono sy ny Toekarena Manga, ny solon-tenan’ ny mpanjono madinika sy vaventy, ny solontena avy amin’ny fiarahamonim-pirenena ary ny ONG misehatra amin’ny jono. Nanatrika ary nanokatra izany tamin’ny fomba ofisialy ny Tale Jeneralin’ny Jono sy ny fampamokarana ny aty rano teo anivon’ny Ministeran’ny Jono sy ny Toekarena Manga. #MPEB #jono_maharitra_tsara_tantana #lalana #WWF
FAMPIOFANANA FIOMPIANA TRONDRO DISTRIKAN’NY VATOMANDRY FARITRA ATSINANANA
Ny masoandro mody no nampalahelo Raha ny fahavitrihan’ireo vahoaka Tonga nanatrika ny fampiofanana fiompiana trondro androany Teto Ambodivoananto. Tsy niandry ela fa Notanterahina tao amin’ny efitrano fampiofanana vaovao izay hita ao anatin’ny foto-drafitrasa Zone d’emergence Piscicole no nanaovana izany , nanomezana ny mahakasika ny fiompiana trondro an-dobo amin’ny antsipirihiny. Ny Minisitry ny Jono sy ny Toekarena Manga MAHATANTE Paubert no Nanantateraka izany . Nanome toky ny tenany fa Mbola hiverina hanohy ny fampiofanana izay hanomezana ireo karazana fiompiana trondro Ary ho harahina fampiharana avy hatrany . Nankasitraka Ary nanome toky ireo vahoaka Tonga nanatrika izay miisa 150 mahery eo ho eo fa hanaraka atsakany sy an-davany ireo Toro-marika rehetra. #MPEB #FAMPIOFANANA #FIOMPIANA_TEONDRO #VATOMANDRY #FARITRA_ATSINANANA
ZEP AMBODIVOANANTO, DISTRIKAN’NY VATOMANDRY : EFA VITA TANTERAKA NY FOTO-DRAFITRASA ARY MANODIDINA NY 16 TAONINA NY VOKATRA HIVOAKA AO AN-TOERANA.
Efa Tafapetraka soamatsara ny foto-drafitrasa izay entina hamokarana zana-trondro eto amin’ny Distrikan’ny Vatomandry izay ZEP faha 20 izay hapetraky ny Ministeran’ny Jono sy ny Toekarena Manga. Ahitana Dobo trondro miisa 6 lehibe izay Mirefy 2000 metatra toradroa izay vinavinaina hamokatra trondro manodidina ny 16 taonina Ary hamokatra zana-trondro any ho any amin’ny 1 500 000 isa . Ireo fikambanana tsy miankina no hitantana izany izay eo ambany fiahian’ny #MPEB . Tonga Nitsidika izany foto-drafitrasa izany A/toa Minisitra MAHATANTE Paubert Anio 31 Jolay 2025 Ary notronin’ ny solombavam-bahoaka voafidy tao an-toerana Sy ireo Tompon’andraikitram-panjakana isan’ambaratongany. Mafonja ny hafatra nampitaina tamin’ireo vahoaka ny amin’ny hikojakojana ny foto-drafitrasa satria Sady hitondra tombotsoa maro hoan’izy ireo ny fisian’ity toerana ity no hampiakatra ny Lazan’ny vatomandry indray amin’ny famokarana trondro #MPEB #ZONE_D_EMERGENCE_PISCICOLE #FAMOKARANA_ZANA_TRONDRO #VATOMANDRY #FARITRA_ATSINANANA.
VATOMANDRY, FARITRA ATSINANANA: Fanentanana maro isan-karazany ho an’ireo izay maniry ny hisehatra amin’ny fiompiana trondro
Eto Amin’ny Distrikan’ny Vatomandry indray hanohizan’A/toa Minisitry ny Jono sy ny Toekarena Manga ny fidinana ifotony izay entina hampiroboroboana ity sehampihariana ity sy entina hanamafisana ireo fanentanana maro isan-karazany ho an’ireo izay maniry ny hisehatra amin’ny fiompiana trondro. Miezaka Manakaiky ny vahoaka hatrany ny eto anivon’ny Ministera izay tarihiny ahafahana mandray ny hetahetan’izy ireo hanatsarany ny velontanany sy hanomezana Toro-marika isan-karazany hampitomboana ireo vokatra ao an-toerana. Mandritra ny fitsidihana dia Hisy ny fanaraha-maso ny fandrosoan’ny asa fananganana ny toeram-pamokarana zana-trondro #ZEP ao Ambodivoananto , ny fampiofanana fiompiana trondro ho an’ny vahoaka Ary ireo fitsidihana Dobo samihafa ataon’ireo Mpiompy trondro ao an-toerana . Hita teny an-toerana avokoa ireo Tompon’andraikitram-panjakana anisan’izany ny solombavam-bahoaka voafidy tao vatomandry sns.. #MPEB #FAMPIROBOROBOANA_NY_JONO #VATOMANDRY #FARITRA_ATSINANANA.
Famelabelarana sy Torolàlana Momba ny Famatsiambola avy amin’ny FMFP
Tanjon’ny Fonds Malgache de Formation Professionnelle (FMFP) na Tahiry Famatsiam-bola Malagasy ho Fampiofanana ny Mpiasa ny hiantohana ny mpiasa hanana fahaizana sy fahalalana ilaina mba hanatsarana ny vokatra sy ny fampandrosoana maharitra amin’ ny sehatra misy azy. Taorian’ny fifanaovan-tsoniam-piaraha miasa teo anivon’ny Ministeran’nhy Jono sy ny Toekarena Manga sy ny FMFP Tahiry Famatsiam-bola Malagasy ho Fampiofanana ny Mpiasa ny volana Janoary 2025 dia nisy ny famelabelarana sy torolalana mahakasika ny famatsiambola natokana hampiofanana ireo fikambanana izay misehatra amin’ny ny Jono sy ny famokarana anaty rano notanterahina teny amin’ny efitrano malalaka fivorian’ny Ministera androany 30 Janoary 2025. Tonga nanatrika izany ireo lehiben’ny fikambanan’ny mpanjono sy mpiompy trondro avy eto amin’ny faritra Analamanga izay miorina ara-dalàna ,ny teo anivon’ny DRPEB Analamanga. Ny famelabelarana dia nifantoka tamin’ny fampahafantarana ny fepetra takiana sy ny antontan-taratasy ilaina ary ireo ho tsara ho fantatra rehetra amin’ny fisitrahana izany tohana avy amin’ny FMFP izany. Ny Ministeran’ny Jono sy ny Toekarena Manga dia manentana hatrany ireo mpisehatra amin’ny jono sy ny fiompiana trondro mba hiditra ao anaty fikambanana ara-dalàna mba ahafahan’izy ireo misitraka ny tohana avy amin’ny FMFP. Io tohana io dia tsy vitan’ny manome fahafahana amin’ny fampiofanana fa manampy koa amin’ny fampitomboana ny fahaiza-manao sy ny fampandrosoana ny asa fivelomana maharitra ho an’ny mpanjono sy mpiompy trondro. #MPEB #DRPEB_Analamanga #FMFP
Fkt Atalata Andraikiba, Kaominina Ambonivohitra Antsirabe, Distrikan’Antsirabe I, Faritra Vakinankaratra. Fanadiovana ny Farihin’ Andranobe ho fampandrosoana ny Jono.
Bemiridana izay zava-maniry mitsingevana ka manakana ny fampandrosoana ny sehatry ny jono ao amin’ny faritr’i Vakinankaratra noho ny fitomboany haingana sy ny fandrakofany ny rano. Izany tranga izany dia miteraka fahasahiranana lehibe amin’ny fampiasana ny farihin’ Andranobe no sady manakana ny fidiran’ny hazavana sy ny oksizenina ao anaty rano ka mampihena ny vokatra azo avy amin’ny jono, izay tena zava-dehibe ho an’ny fiainan’ny mponina ao an-toerana. Mba hamahana an’io olana io dia mitohy ny ezaka fanadiovana ny farihy indrindra fa ny Farihin’ Andranobe Atsinanana izay natao ny faha 29 Jolay 2025 teo. Izao no tanteraka dia vokatry ny fiaraha-miasa akaiky eo amin’ny Fitaleavam-paritry ny Jono sy ny Toekarena Manga (DRPEB) Vakinankaratra sy ireo Vondron’Olona Ifotony (VOI) mivondrona ao amin’ny Koperativa FIFIMPAVA. Mba hanamafisana sy hanafainganana ny asa fanadiovana dia nanomboka nanatevin-daharana ihany koa ny ekipa avy ao amin’ny École Nationale des Sous-Officiers d’Active (ENSOA). Manomboka izao dia vata-miaramila zazavao miisa 50 isan’andro no hanampy amin’ny asa fanadiovana mandritra ny dimy andro ary ny tetikasa TANY MEVA kosa no nanome tohana lehibe tamin’ity ezaka ity, ka nahatonga ny fandrosoana haingana sy ny fahombiazan’ny asa. Izao hetsika izao dia anisan’ny ohatra mazava amin’ny fahaizan’ny fiarahamonina sy ny mpandray anjara rehetra miara-miasa ho amin’ny tombontsoa iombonana. #MPEB #DRPEB_Vakinankaratra #VOI_FIFIMPAVA #ENSOA #Tetikasa_TANY_MEVA
Kaominina Tanandava Atsimo sy Sampona, Disitrikan’Amboasary Atsimo,Kaominina andranobory , Distrikan’i Taolagnaro, Faritra Anosy
Fampiofanana mahakasika ny fanodinana ny hazadrano ho azo tehirizina. Tontosa tao amin’ny Fkt Maroloha nandritra ny hateloana ny faha 26 ka hatramin’ny 28 Jolay 2025 teo ny fampiofanana ireo mpanjono sy mpanao kinanga miisa 18 avy amin’ny saha sekoly ao amin’ny Kaominina Tanandava Atsimo sy Sampona distrikan’Amboasary Atsimo sy ireo avy ao amin’ny Kaominina Andranobory Distrikan’i Taolagnaro, Faritra Anosy. Nozaraina tamin’ireo mpiofana ny teknika fanamboarana lakana simba,ny fanatsarana ny fitaovana enti-manjono toy ny mpalangy sy ny harato ZZ narahin’ny fizarana teknika fanodinana ny trondro ho lasa trondro sira,saly ary ny masakemboka.Nisy ihany koa ny fanentanana azy ireo hanaja hatrany ny lalana mifehy ny jono sy ny hisorohana ny loza vokatry ny fihinanana ny hazandranomasina misy poizina amin’ny vanimpotoana tsy azo hihinanana izany na ny « Intoxication par la consomation d’animaux Marins »ICAM. Tanjona ny hamporisihana azy ireo hisehatra amin’ny ara-dalàna sy hanatsarana ny fomba fiasa mba hialana amin’ny fahasimban’ny vokatra sy hanatsarana ny fidiram-bolan’ny isan- tokantrano. Tao aorian’ny fiofanana dia nozaraina mari-pankasitrahana ireo mpiofana mba hamporisihana azy ireo amin’ny asa izay hataony. Angady nanana sy vy nahitana izao fampiofanana izao ny fiarahamiasan’i Fitaleavam-paritry ny Jono sy ny Toekarena Manga Anosy sy ny tetikasa MIONJO,nyAD2M ary ny FAO. #MPEB #DRPEB #ANOSY #FAO #MIONJO #AD2M #mpanjono #Fanodinana_vokatra.
ZEP Ivakoana, Kaominina Ambanivohitra Marofarihy, Distrika Manakara, Faritra Fitovinagny : fiotazana ampahambokatra voalohany.
Efa-bolana eo izay no nampihodina ny ZEP na « Zone d’Emergence Piscicole » ao Ivakoana, Marofarihy, Manakara. Ankehitriny dia efa Miakatra ny ampaham-bokatra voalohany. Dobo iray mirefy 1 ara mahery kely no nakana trondro hamidy ny 28 Jolay 2025 teo. Araka ny antso nataon’Atoa Armand, izay mpitatana-mpanofa ny ZEP dia nanampy azy amin’ny fanaratovana ny avy ao amin’ny Fitaleavam-paritry ny Jono sy ny Toekarena Manga Fitovinagny no sady naka antontanisa ihany koa. Trondro Tilapia sahabo ho 60 kg no niakatra tao, ary manodidina ny 200-500g eo ny hangeza ny trondro iray. Namidy amin’ny vidiny 20.000Ar isan-kilao ny trondro ka lany avokoa izany. Velombolo tanteraka ny mpitatana ity ankehitriny noho izao vokatra azo izao. #MPEB #DRPEB_Fitovinagny #ZEP_Ivakoana
Distrikan’i Jiangsu – Province Wuxi, Repoblika entim-bahoaka ny Chine : Fikaonan-doha ho fampiroboroboana ny sehatry ny fihariana anaty rano ho an’ireo firenena Afrikanina miteny frantsay na « Séminaire sur la promotion de l’Aquaculture pour les Pays Africains Francophones »
Notanterahina ny faha 11 ka hatramin’ny 31 jolay 2025 teo ny « Séminaire sur la promotion de l’Aquaculture pour les Pays Africains Francophones ».Nandefa solontena efatra (04) ary nandray anjara tamin’izany ny Firenena Malagasy taminy alalan’ ny Ministeran’ ny Jono sy ny Toekarena Manga, raha dimy ny firenena niatrika izany dia i Bénin, République Centre Afrique, Congo ary i Gabon. 🔸Ny ivotoeram-pikarohana anisany goavana ao Chine, miompana manokana eo amin’ny tontolo anaty rano, dia ny FFRC (Freshwater Fisheries Reaserch Center) no niantsoroka ny fampianarana, ny fizarana traikefa ary ny fifanakalozana nadritra izao fikaonan-doha izao. Nisy ihany koa ny fahampafantarana isaky ny Firenena tsirairay avy ny sehatry ny Jono amin’ny endriny rehetra ka nisongadina ny firenena Malagasy raha ny tsikaritr’ireo namana hafa fa efa mihoatra lavitra noho izy ireo eo amin’ny sehatry ny famokarana anaty rano sy ny jono. Tanjona nandritra izao fihaonana izao ihany koa ny hitohizan’ny fiaraha-miasa akaiky kokoa eo amin’ny resaka famokarana anaty rano, indrindra ny fahitana ny ambaindain’ny fikarohana izay efa vita ao Chine, izay afaka hanatsarana ny antsika eto Madagasikara… Ny Tale Jeneraly lefitra teo anivon’ny FFRC moa no nanokatra sy nanakatona tamin’ny fomba ofisialy ny lanonana ary samy nanantena ireo mpandray anjara ny amin’ny hitohizan’ny fiaraha-miasa SINO-AFRIQUE eo amin’ny fampiroboroboana ny tontolon’ny Jono aamin’ny endriny rehetra. #MPEB #Wuxi #FFRC #Fiaraha_miasa #SINO_AFRIQUE