Kaominina Ambonivohitra Sainte Marie, Distrikan’i Sainte Marie, Faritra Analanjirofo. Fampiofanana momba ny teknikam-panjonoana maharitra.
Isan’ny fanavaozana ny sehatry ny fanjonoana makamba nataon’ny Ministeran’ny Jono sy ny Toekarena Manga #MPEB# ny fanohanan’ireo mpanjono vaventy amin’ny fanomezana ny fampiofanana ireo mpanjono madinika ao amin’ny farim-panjonoana izay hiasany.Mpanjono miisa 85 avy ao amin’ny Fkt Ambodifotatra sy Vohilava, Distrikan’i Sainte Marie no nisitraka fampiofanana mikasika ny fomba fanjonoana maharitra ka ny fomba fanjonoana mampiasa » palangre » no natao ny faha 25 sy 26 Aogositra 2025 teo. Izao fiofanana izao dia tafiditra indrindra amin’ny fanatanterahana ny tamberin’andraikitra avy amin’ny orinasa REFRIGEPECHE EST. Ity fomba fanjonoana ity izay manavaka ny trondro vaventy na « pêche sélective » mba tsy hahalany tamingana ny trondro.Nanamora ny fahazoan’izy ireo izany ny Fitaleavam-paritry ny Jono sy Toekarena Manga# DRPEB Ananjirofo sy ny ekipa avy ao amin’ny Fitaleavana miaindraikitra ny Jono #DP# avy eo anivon’ny Ministera. #MPEB#DP#DRPEB# ANALANJIROFO#RSE# REFRIGEPECHE_EST#Fampiofanana_Teknikam-panjonoana_Maharitra
Kaominina Ambonivohitra Nosy Be, Distrikan’i Nosy Be, Faritra DIANA. Fitsidihana ho fanamafisana ny fandraisan’andraikitr’ireo vahoaka eny ifotony.
Iray amin’ireo tambanjotra miara-miasa amin’ny Ministeran’ny Jono sy ny Toekarena Manga #MPEB ny tambajotra MIHARI.Iray amin’ireo sehatra mampifandray ny MPEB sy ireo fikambanan’ireo mpanjono eny ifotony. Araka izany dia nisy ny fitsidihana notarihin’ny filohan’io tambanjotra io niaraka tamin’ny ONG CI (Conservation International) tao amin’ny Lehiben’ny sampandraharaha ny Jono sy Toekarena Manga #CirPEB_Nosy Be ny faha 25 Aogositra 2025 teo.Niaradia tamin’izy ireo tamin’izany ihany koa ny mpikambana ao amin’ny Famindram-pitantanana ny harena anaty rano #TGRH sy ny harena voajanahary #TGRN ny avy ao amin’ny corridor de 7 baies Antsiranana. Nivoitra nandritra ny fifampidinihana ny fanamafisana ny fandraisan’andraikitr’ireo mponina eny ifotony izay nanankinana ny fitantanana ireo harena voajanahary anaty rano sy Antanety.Nampanatena ny Filohan’ny tambanjotra #MIHARI fa maro ireo fanohanana izay hisitrahan’izy ireo alohan’ny faran’ny taona. Tanjona ny hanatsarana ny fitantanana hiarahana amin’ireo vondron’olona eny ifotony ireo harena voajanahary izay miantoka amin’ny ampahany betsaka ny velon-tenan’izy ireo. #MPEB #CirPEB #Nosy_Be #MIHARI #TGRH #TGRN #VOI #Corridor_d_7_baies
Antananarivo,Faritra Analamanga
Atrikasa faka-kevitra mahakasika ny fifanarahana teo anivon’ny OMC momban’ny Fanampiana ara-bola amin’ny sehatry nyJono Amin’ny ankapobeny dia isan’ny misedra olana ny sehatry ny Jono maneran-tany amin’izao fotoana izao nohon’ny fisian’ilay fitrandrahana mihohapapana,ny fisian’ilay fitrandrahana mihotra ireo vokatra tokony ho trandrahina ary ny farany dia ny fisian’ilay Jono tsy manara-dalana tsy voafanambara ary tsy voafehi-dalana na Pêche INN ka nahatonga ireo firenena mpikambana ao anatin’ny #OMC nametraka ny fifanarahana mahakasika ny fijerena manokana ny fepetra mifandraika amin’ny fahafahana manao fanampiana ara- bola eo amin’ny sehatry ny Jono izay natao tany Genève ny volana Jona 2022 izay azo heverina ho dingana lehibe eo amin’izany sehatry ny jono sy ny fiarovana ireo hazandranomasina mba hisian’ny fitrandrahana maharitra. Na dia efa nisy aza ireo firenana maromaro nanao sonia an io fifanarahana dia Mbola tsy manankery io fifanarahana raha tsy manaiky ny ankamaroan’ireo firenena mpikambana eo anivon’ny OMC ary raha ho an’i Madagasikara manokana amin’ny maha mpikambana azy dia mbola eo an-dalana mijery ireo pitsopitsony rehetra ahafahana miroso amin’izany. Arak’izany dia nisy ny atrikasa fakan-kevitra mahakasika io fifanarahana eo anivon’ny OMC io izay mifandraika amin’izany fanampiana ara-bola amin’ny sehatry ny Jono izany izay natao tao amin’ny Hotel le Grand Mellis Antananarivo androany 26 Aogositra 2025 ary haharitra roa andro eo izay niarahan’ny teto anivon’ny Ministera ny Jono sy ny Toekarena Manga #MPEB,ny Ministera ny Indostria sy ny Varotra (#MIC) ireo solontenan’ny mpanjono ary ireo mpisehatra marolafy eo amin’ny tontolo an-dranomasina.Marihinafa ny #WWF no nanome ny tohana ara-teknika sy ara-bola #MPEB #MIC #WWF #OMC
HENNENSSY Park hôtel – Ébène MAURICE
Notanterahina nanomboka ny 25 sy ny 26 Aogositra 2025 any Maorisy ny fivoriana faha-15 ny komity mpanapaka ny drafitra rezionaly ny fanaraha-maso ny Jono na ny « PRSP: Plan Régional de Surveillance des Pêches ». Firenena valo no mandray anjara amin’ity fivorina ity anisan’izany i Madagasikara. Ity fivoriana ity no fivorina farany hamaritana ny PRSP izay tetikasa niasa nanomboka ny taona 2018 ary hifarana ny volana Septambra 2025, famatsiambola avy amin’ny Ecofish sy ny Vondrona Eropeanina. Nisy arak’izany ny jery todiky ny asa sy ireo andraikitra nosahanin’ny PRSP nandritra izay fotoana niasany izay. Hofaritana mandritra ity fivoriana ity ihany koa ny sori-dalàna entina hitantanana indray ny tetikasa ho avy. #MPEB #PRSP #ECOFISH #UE
Lovokampy II, Kaominina Ianatsono, Toliara II, Faritra Atsimo Andrefana : FANAMAFISANA NY FANENTANANA MAHAKASIKA IREO VOKATRA TSY AZO JONOINA NARAHINA FIZARANA FAMPITAOVANA
anàna izay ahitana Mpanjono Vezo zato isan-jato ny ao Lovokampy izay isan’ireo tanam-bezo manodidina ny fihaonan’ny ranomasina sy ny reniranon’ny Onilahy. Isan’ireo toerana izay mamatsy mivantana amin’ny resaka trondro an’i Toliara ity tanàna ity ary malaza nohon’ny hatsaran’ny vokatra ananany. Tonga nizara fitaovam-panjonoana sy kojakoja maro samihafa Atoa MAHATANTE Tsimanaoraty Paubert, Minisitry ny Jono sy Toekarena Manga ary ireo Mpiaramiasa aminy, ary nanentana hatrany mahakasika ireo biby izay arovana ary tsy azo jonoina toy ny trozona, ny akio-trozona, ny fesotse, ny fano sns #LovokampyII_Ianatsono #Fanentanana_Fizarana #Fitaovam_panjonoana #Biby_arovana #MPEB
Kaominina ambanivohitra Maherivaratra, Distrikan’Ambanja, Faritra DIANA. Fanentanana ireo mpisehatra amin’ny jono hiroso hatrany eo amin’ny sehatry ny ara-dalàna sy fanentanana ifotony hisorohana ny ICAM.
Ny fanajana ny lalàna mifehy ny Jono no antoka iray mampaharitra izany ho lovain-jafy.Ny Ministeran’ny Jono sy ny Toekarena Manga (MPEB) amin’ny alalan’ny solontenany eny ifotony dia tsy mikelisoroka fa manentana hatrany ireo mpanjono hiroso amin’ny sehatry ny matianina sy ny ara-dalàna.Araka izany dia mpanjono miisa 42 avy ao amin’ny Kaominina Maherivaratra, Distrikan’Ambanja no nanaovan’ny ekipan’ny lehiben’ny sampandraharaha ny Jono #CirPEB Ambanja izany ny faha 24 aogositra 2025 teo. Nohamafisina nandritra izany ihany koa ny fanentanana ny amin’ny tokony hananana ny karatra maha mpanjono,ny fanajana ny fotoana ikatonan’ny jono an-dranomamy ao amin’ny faritr’i DIANA ary ny fanamafisana ny fanentanana mba hirosoana amin’ny fisorohana ny tranga ICAM (Intoxication Alimentaire par la Consommation d’Animaux Marins.) mety hiseho amin’izao ankatoky ny vanimpotoanan’ny andro mafana izao. Ary ny farany dia ny fanamafisana sy ny fampatsiahivana ireo mpanangombokatra sy ireo mpanao kinanga ny amin’ny tokony hananan’izy ireo karatra maha mpijirika sy maha mpanangombokatra mba hampizotra tsara ny asa izay atao ho ampilaminana. #MPEB #CirPEB #Ambanja #ICAM #jono_madinika.
Tsihombe, Faritra Androy. Nidina ifotony ny avy ao amin’ny Fitaleavam-paritry ny Jono sy ny Toekarena Manga ny faha 19 ka hatramin’ny faha 23 Aogositra 2025 tao amin’ny Distrika Tsihombe, Faritra Androy.
Nisy ny fihaonana tamin’ireo mpanjono mpikambana anivon ny CEC na « Champ Ecole Commerce » miisa 60, izay 30 avy ao amin’ny CEC Ankilitomotra, Kaominina Ambanivohitra Marovato ary ny 30 avy ao amin’ny CEC Maroafo Belaza, Kaominina Ambanivohitra Antaritarike. Teo ihany koa ny fijerena ny toerana hametrahana ilay vata fampangatsiahana mandeha amin’ny herin’ny masoandro miisa 02 no sady koa nanazava ny maha zava-dehibe ny hametrahana izany ho an’ny fitehirizana ny vokatra azo amin’ny jono. Narahana fizarana harato ZZ efa vita rafitra miisa 02 sy « palangre » miisa 02 efa vita rafitra ihiany koa ny fidinana teny an-toerana ary fanentanana ireo mpanjono sy mpanao kinanga na « mareyeurs » momba ny fananana ny karatra mpanjonao sy ny karatra mpanao kinanga, nazavaina azy ireo ny dingana tokony harahina amin’ny fanamboarana izany karatra izany. Nararaotina tamin’io fotoana io ihany koa ny fampahafantarana ireo mponina ny fisokafan’ny birao ny #CirPEB_Tsihombe sy ny Tompon’andraikitra mitantana izany. #MPEB #DRPEB_Androy #FAO
Sarodrano, Kaominina Saint Augustin na Ianatsono, Distrikan’ny Toliara II, Faritra Atsimo Andrefana : fanentanana sy fizarana_fitaovam-panjonoana
Andro vitsy lasa izay no nisy requin baleine na akio trozo na marokintana na akio valozoro niazon’ireo Mpanjono ka nataon’olona sakafo teto Sarodrano. Tsy niandry ela fa dia tonga nanamafy ny fanentanana sy ny fanazavana ny mahaza-dehibe an’ity biby ity ny Minisitry Jono sy Toekarena Manga MAHATANTE Tsimanaoraty Paubert sy ireo Mpiaramiasa aminy. Nisy ihany koa ny fizarana fitaovam-panjonoana sy kojakoja maro samihafa ary ny fanarahamaso ireo asan’ny Ministera tao antoerana. Faly sy ravo ary nisaotra ny Fitondram-panjakana ireo Vahoaka ary nampanantena ny hiaro ireo biby izay voararan’ny lalàna fa tsy azo jonoina no hanetana ihany koa ireo naman’izy ireo. Marihina fa Mpanjono avy ao Kiembe/Mahavatse no nanjono ilay akio trozo. Hisy ny fanentanana mafimafy sy ny fandraisana fepetra raha mbola misy ny tranga toy izao. #Sarodrano_Saint-Augustin #Akio_trozo #Fitaovam-panjonoana #Toliara_Atsimo-Andrefana #MPEB
Kaominina Ambonivohitra Antsiranana, Distrikan’Antsiranana I, Faritra DIANA. Fifampidinihana hanatsarana ny fitantanana ny jono.
Misokatra amin’ny sehatra rehetra ny Ministeran’ny Jono sy ny Toekarena Manga (MPEB) miaraka amin’ireo Fitaleavam-paritry ny Jono sy ny Toekarena Manga (DRPEB) manerana ny nosy.Nisy araka izany ny fitsidihana ara-pomba fanajana nataon’ny AVT2D(Association des volontaires pour le transmission vers le Développement Durable) ny DRPEB DIANA ny faha 22 aogositra 2025 teo. Nivoitra nandritra ny fihaonana ny fanavaozana sy fametrahana toeram-panodinana hazandrano sy lafaoro fanamainana trondro saly sy trano fitehirizana trondro.Eo ihany koa ny fametrahana ny fampandraisana anjara ireo vahoaka eny ifotony amin’ny fitantanana ny harena voajanahary misy ao aminy. Ho hamafisina ihany koa ny fizarana fampitaovana samihafa ireo mpanjono.Tanjona ny fanatsarana ny foto-piveloman’ireo mpanjono sy fikajiana ireo rohivoahary an-dranomasina indrindra ny ao amin’ny corridor Marine7Baies. Ny CEPF(Critical Écosystème Partenership Fund) miasa ao amin’ny helodrano telo no mpamatsy ara-bola ny tetikasa. #MPEB #DRPEB #CEPF #DIANA #AVT2D.
MAROALOMAINTE, AMBOVOMBE ANDROY, FARITRA ANDROY
Hatolotra tsy ho ela ny toeram-pampangatsiaham-bokatra ( #Chambre_froide )izay ho ampiasain’ireo Mpanjono ao #MAROALOKE… Natao izao hialana amin’ny varoboba rehefa mitobaka ny vokatra sy hialana amin’ny fahaverezan’ny vokatra tsy lany . Azo antenaina arak’izany fa ho hafa-pasahiranana ireo mpanjono aorian’ny fametrahana ny foto-drafitrasa satria na maro aza ny vokatra azo dia tsy Hisy intsony ireo vokatra ho Simba fa afaka hotehirizina tsara Ary afaka hoahodina ho vola indray . Ministère de la Pêche et de l’Economie Bleue #ENSEMBLE_ON_IRA_LOIN