HETSIKA FAMPIOFANANA FIOMPIANA TRONDRO SY FAMPIROBOROBOANA NY SEHATRY NY JONO : TONGA SOA ETO AMIN’NY DISTRIKAN’NY MORAFENOBE A/TO MINISITRA MAHATANTE PAUBERT.
Miomana indray Isika vahoaka rehetra eto amin’ny Distrikan’ny #MORAFENOBE , Faritry Melaky fa anjaranao indray izao no hahazo fampiofanana maimaimpoana izay iarahana amin’A/toa Minisitry ny Jono sy ny Toekarena Manga MAHATANTE Paubert eo ihany koa ireo fitsidihana isan-karazany entina hampiroboroboana ity sehatra ity eto an-toerana. Tonga nitsena azy tamin’izany ireo Tompon’andraikitram-panjakana rehetra tao an-toerana. Aza adino fa ireo toerana rehetra ahitana renirano, ranovory sns dia afaka hiompiana avokoa Rehefa mahafehy ny teknika rehetra Isika . MIOMANA ARY FA SOA FANARARAOTRA HO ANAO ITY . Ministère de la Pêche et de l’Economie Bleue #MORAFENOBE #FARITRY_MELAKY
Kaominina Ambanivohitra Ramena, Distrikan’i Antsiranana II, Faritra DIANA.
𝐅𝐢𝐭𝐬𝐚𝐧𝐠𝐚𝐧𝐚𝐧’𝐧𝐲 𝐅𝐢𝐤𝐚𝐦𝐛𝐚𝐧𝐚𝐧𝐚 #𝐓𝐒𝐈𝐌𝐎𝐊𝐀 𝐭𝐚𝐦𝐢𝐧’𝐧𝐲 𝐟𝐨𝐦𝐛𝐚 𝐨𝐟𝐢𝐬𝐢𝐚𝐥𝐲. Tafatsangana tamin’ny fomba ofisialy ny faha 05 Aogositra 2025 teo ny Fikambanana TSIMOKA izay hifantoka amin’ny fitantanana sy fiarovana ireo faritra arovana ao Oronjia, Ramena, ary Ivovona ka tao amin’ny Fkt Ramena no nanatontosana ny fampahafantarana izany tamin’ny fomba ofisialy. Ny tanjona voalohany sy fanambin’ny fikambanana dia ny fitantanana maharitra ny harena voajanahary, indrindra ny tontolo andranomasina ao amin’ny faritra arovana ao Oronjia, Ramena, ary Ivovona ka hiompana amin’ny fampiroboroboana ny Jono sy ny Toekarena Manga ka ireo mpanjono ao an-toerana dia hahazo tombony amin’ny alalan’ny fanohanana ara-pitaovana sy ara-teknika. Tonga nanatrika teo avokoa ireo sehatra rehetra voakasika ka anisan’izany ireo solontena avy ao amin’ny Kaominina sy ireo Fkt ao Oronjia, Ramena, sy Ivovona, ny Fitaleavam-paritry ny Jono sy Toekarena Manga (#DRPEB) sy ny Fitaleavam-paritry ny Tontolo Iainana sy Fampandrosoana Lovainjafy (DREDD) avy ao amin’ny Faritra DIANA , ireo solontenan’ny #ONG_Blue_Ventures avy ao amin’ny Faritra Boeny sy Diana ,ny Fikambanana #TSIMOKA ny #tetikasa_C3 ary ny solontenan’ny fikambanan’ny mpanjono avy ao Ankorikihely Ramena, ary Ivovona. Tao aorian’izany dia nisy ihany koa ny fampisehoana sy famelabelarana nataon’ny Fikambanana TSIMOKA sy Blue Ventures momba ireo antsipirian’ny tetikasa izay hita fa mifanaraka tanteraka amin’ny filàna sy ny vahaolana ilain’ireo mponina ao an-toerana. Atoa RAZANDRIMALALA Orien, Lehiben’ny Sampandraharahan’ny Toekarena Manga ao amin’ny Faritra DIANA dia nanentana ny mpanjono mba hanararaotra tanteraka ny fanohanan’ireo mpiara-miombon’antoka ary nanamafy nandritra ny fanentanany fa ny fiaraha-miasa akaiky sy ny fanajàna ireo fitaovana izay nomena dia hitondra fanovana mivaingana sy maharitra no hiantoka ihany koa ny fiveloman’ny mpanjono mba hiarovana ny tontolo iainana sy ny harena voajanahary mba ho lovainjafy. #MPEB #DRPEB #DREDD #DIANA #Fikambanana_TSIMOKA #C3 #Blue_Ventures
Hotel Panorama Andrainarivo, Antananarivo, Faritra Analamanga. Atrikasa nasionaly fankatoavana ny tari-dalana mahakasika ny drafi-panajariana ny ranomasina.
Raha miresaka momba ny toekarena manga dia anisan’ny fototra lehibe mampandeha izany ny PSM (Planification Spatiale Marine) na drafi-panajariana momba ny ranomasina. Ity drafitra ity no fototra iankinan’ny fampandrosoana maharitra ary ny fametrahana izany dia antoka iray lehibe hirosoana amin’ny fampandrosoana ny toekarena manga eto Madagasikara, ka mametraka ny ranomasina ho ivon’ny fampandrosoana ara-toekarena sy ara-tsosialy. Tafiditra ao anatin’izany ny fandinihana ny fari-dranomasina rehetra azo trandrahana toy ny jono, ny fizahan-tany an-dranomasina, ny fitrandrahana ireo harena an-kibon’ny tany an-dranomasina . Ankoatran’izay koa anefa dia jerena manokana ihany koa ny fiarovana ny Fari-dranomasina tokony arovana manoloana ireo tranga isan-karazany. Ny fitantanana araka ny tokony ho izy dia hahafahana mampifandanja ny fitrandrahana sy ny fiarovana mba hahazoana tombontsoa maharitra ho an’ny taranaka ankehitriny sy ny ho avy. Manoloana ireo fanamby mbola miandry dia notontosaina androany faha 06 Aogositra 2025 ny atrikasa nasionaly ho fankatoavana ny tari-dalana mahakasika ny drafi-panajariana ny ranomasina izay hotontosaina tao amin’ny Hotel Panorama Andrainarivo izay niarahan’ny Ministeran’ny Jono sy ny Toekarena Manga (#MPEB), ny Ny Ministeran’ny Fitsinjaram-pahefana sy ny Fanajariana ny Tany (#MFFT), ary ny Ministeran’ny Tontolo Iainana sy ny Fandrosoana Lovain-jafy (#MEDD) sy ireo mpisehatra maro samihafa. Ny WWF kosa no nanohana ara-teknika sy ara-bola nahatongavana tamin’izao hetsika izao. Amin’ny ankapobeny dia efa misy ny paikady sy ny politika nasionaly momba ny ranomasina ary ny Tonjozotra Nasionaly Hampandrosoana ny Toekarena Manga fa ny fisian’ity “PSM” no fitaovana lehibe entina handrindrana ireo hetsika rehetra, ahafahan’ny mpisehatra tsirairay mahita ny andraikiny sy ny anjara asany. Marihina fa amin’ny faritra 15 manana ranomasina eto Madagasikara ka ny faritra 10 amin’ireo dia efa nanomboka ny dingana famolavolana ny drafi-panajarianany ranomasina. Ny fiaraha-miasa eo ami’ny mpisehatra rehetra toy izao no hiantohana ny fahombiazan’ny drafitra sy ny fampiharana azy amin’ny fomba mahomby. #MPEB #MEDD #MATSF #WWF #PSM
Kaominina Ambanivohitra Vohimena, Distrikan’Amparafaravola, Faritra Alaotra Mangoro.
Ezaka ho amin’ny fanomezana fampiofanana fiompiana trondro eny ifotony. Efa mihena hatrany ny vokatra isan’ny nampalaza ny faritra Alaotra Mangoro noho ny antony maro samihafa.Ilaina araka izany ny fampiofanana ireo tantsaha hisehatra amin’ny fiompiana trondro matianina hamerenana izany.Ny Ministeran’ny Jono sy ny Toekarena Manga amin’ny alalan’ireo teknisiana ao aminy dia mizara sy mampita ireo toromarika ara-teknika mahakasika ny fiompiana trondro maimaimpoana amin’ireo vahoaka eny ifotony. Solontena maro izay nahitana ireo fikambanam-behivavy, ireo mpanjono ary olontsotra miisa 64 avy ao amin’ny Kaominina Ambanivohitra Vohimena, Distrikan’Amparafaravola no nisitraka fampiofanana maimaimpoana izay nomen’ny ekipan’ny Fitaleavam-paritry ny Jono sy ny Toekarena Manga (DRPEB ) izay niarahana tamin’ny ekipa avy amin’ny Fitaleavam-paritra misahana ny mponina (DRPS) avy ao Alaotra Mangoro ary ny ekipan’ny fitalevana misahana ny famokarana anaty rano ny faha 05 aogositra 2025 teo. Vonona ny hirotsaka amin’ity sehatra ity izy ireo ka isan’izany ireo ben’ny Tanàna amin’ny Kaominina telo ao anatin’ny Distrikan’Amparafaravola. Antenain’ny rehetra fa hitondra tombontsoa ho an’ireo vahoaka eny ifotony izao hetsika izao. #MPEB #DA #DRPEB #DRPS #Alaotra_Mangoro #Fampiofanana_fiompiana_Trondro #Asa_Manga #Toekarena_Manga
Fanokafana tamin’ny fomba ofisialy ny ASIEF 2025 izay natao tany Mahajanga
Fanokafana tamin’ny fomba ofisialy ny ASIEF 2025 izay natao tany Mahajanga. Notontosaina ny faha 01 Aogositra 2025 teo ny fanokafana ny ASIEF 2025 tamin’ny fomba ofisialy izay notanterahina tao Mahajanga, renivohitry ny Faritra Boeny. Noentina nanamarika izany ASIEF izany na « Association Sportive Interministérielle pour l’Entretien des Fonctionnaires » dia nisy ny carnaval nataon’ireo ministera mpandray anjara nanomboka teo amin’ny Statut Barea hatrany amin’ny village des jeux. Tonga nanome voninahitra ity hetsika ity Atoa Governoran’ny faritra Boeny, ny prefet ary ireo Tompon’andraikitra ara -panjakana maro, sivily sy miaramila. Toy ny isan-taona dia maro ireo Ministera nandray anjara mavitrika tamin’ity ASIEF 2025 ity ka anisan’izany ireo solontenan’ny Ministeran’ny Jono sy ny Toekarena Manga. Hotontosaina manomboka ny 02 ka hatramin’ny faha14 Aogositra ity fifaninana ara-panatanjahantena ity ary maro ireo karazana fanatanjahantena hifanandrinana mandritra izany toy ny basket ball, volley-ball, petanque sns.. Tanjona napetraka amin’ity fifaninana ara panatanjahan-tena isan-tsokajiny ity ny fampivelarana ny fifandraisana sy fifankatiavana ho an’ireo mpiasam-panjakana ary hikojakojana ny ara-batana mba hitondra fahasalamana sy saina matsilo hahafahana manatanteraka antsakany sy andavany ireo andraikitra ankinina amin’izy ireo. #MPEB #ASIEF_2025_Mahajanga #Basket_Ball
Association SOAKILONGA Ankily: fanombohan’ny fiompiana trondro ivelan’ny tany ao amin’ny FKT Ankily, Distrikan’Ihosy, Faritra Ihorombe.
Taorian’ny fiofanana nomen’ny DRPEB Ihorombe sy ny ekipany ny faha 21 Jolay 2025 lasa teo mikasika ny fiompiana trondro an-dobo ivelan’ny tany (bassin hors sol) dia natomboka ny 01 Jolay 2024 ny fiompiana andrana izay mampiasa dobo vita amin’ny labasy mirefy 1,3 toratelo ka zanatrondro Tilapia miisa 150 manana salan-danja 15gramma no nampidirina tamin’ity dobo hors sol ity. Ankoatran’izay dia lanana vina hanampy dobo maromaro ny « Association SOAKILONGA » raha mahomby ny fiompiana ka hahazoana vokatra tsara. Ny Association SOAKILONGA Ankily dia mbola manantena ny fanohanan’ny DRPEB Ihorombe sy ireo mpiara-miombon’antoka amin’ny fampandrosoana mba hanamafisana ny fahaizana teknika sy ny fitaovana ilaina amin’ity asa ity. #MPEB #DRPEB_Ihorombe #Association_SOAKILONGA
FIOMPIANA NY #LALITRA #BSF ( BLACK SOLDIER FLIES )
HO ANTSIKA TANORA MIANTSEHATRA AMIN’NY #FAMBOLENA SY #FIOMPIANA , HENOY FA METY MAHASOA ANTSIKA NY FIOMPIANA NY #LALITRA #BSF ( BLACK SOLDIER FLIES ) Ministère de la Pêche et de l’Economie Bleue MAHATANTE Tsimanaoraty Paubert
Kaominina Ambohitrarivo sy Amparafaravola Distrikan’Amparafaravola, Faritra Alaotra Mangoro
Ny Vondron’olona ifotony VOI no isan’ny tompon’andraikitra voalohany amin’ny fitantanana maharitra ny loharanonkarena misy eo amin’ny VOI miisa 102 avy ao amin’ny Kaominina Ambohitrarivo sy Amparafaravola no nahazo fiofanana mikasika ny fepetra hahafahana mitrandraka maharitra ny hazandrano sy ny dina iombonana hiarovana ny zetra ary ireo toeram-panatodizan’ny trondro. Niara-nisalahy tamin’ny fanofanana ny ekipan’ny Fitaleavam-paritry ny Tontolo iainana sy ny Fandrosoana Lovain-jafy sy ny DURRELL niaraka tamin’ny SRPA Amparafaravola.Nomena lanja manokana nandritra izany ny fampandraisana andraikitra ny tanora . #MPEB #SRPA #DREDD #DURRELL #VOI #Fitantanana_maharitra.
Atrikasa momba ny fametrahana ny Filankevitra ara-toekarena, ara-tsosialy ary ara-kolontsaina eto Madagasikara
Manomboka ny dingana hametrahana Filankevitra ara-toekarena, ara-tsosialy ary ara-kolontsaina (#CESC) i Madagasikara. Ity Filankevitra ity dia natao hanomezana sehatra ahafahan’ny olom-pirenena sy ireo sampan-draharaha samihafa miara-midinika amin’ny fanjakana momba ny fanapahan-kevitra ho an’ny firenena. Efa voasoratra ao amin’ny Lalàmpanorenana tamin’ny taona 2010 ny amin’ity Filankevitra ity, saingy amin’izao vao tena manomboka tanterahina. Nisy fifanakalozana natao niaraka tamin’ny Nouvelle-Calédonie, izay efa manana Filankevitra mitovy amin’izany. Tonga teto Madagasikara ny solontenany ary nizara traikefa momba ny fomba fiasa sy ny fananganana an’ilay rafitra. Nanampy an’i Madagasikara hahatakatra bebe kokoa ny tokony hatao izany. Ny andraikitry ny #CESC dia ny manome soso-kevitra amin’ny fanjakana momba ny politika ara-toekarena, ara-tsosialy ary ara-kolontsaina. Hanampy amin’ny fanaraha-maso sy fanombanana ny asa ataon’ny fanjakana koa izy, mba hahafantarana raha tena mahafeno ny filàn’ny vahoaka eny ifotony ny asa. Ho solontenam-bahoaka amin’ny sehatra isan-karazany no hiforonan’ity Filankevitra ity : avy amin’ny ministera, antenimiera, sehatra tsy miankina, ary fiarahamonim-pirenena. Efa manaiky sy manohana ny fametrahana izany ny ankamaroan’ireo sampana sy olona voakasika. Hisy volavolan-dalàna halefa eny amin’ny antenimiera roa tonta ho dingana manaraka amin’ny fananganana azy. Efa misy ohatra mitovitovy amin’izany hita amin’ny Jono sy Toekarena Manga. Ohatra, ny Cluster Économie Bleue, izay manome toerana ny fiarahamonina sy ny sehatra tsy miankina handray anjara amin’ny fanapahan-kevitra. Misy koa ny sehatra fifanakalozana amin’ny jono madinika sy ny fiompiana anaty rano, izay manampy amin’ny fifampiresahana mazava sy ara-drariny. Eo koa ny fampiharana ny mangarahara amin’ny fifanarahana ara-jono, ny fanarahamaso ny famatsiam-bola, ary ny fandraisana anjara amin’ny Initiative FITI, izay manohana ny fitantanana maharitra ny harena an-dranomasina. Nisy ny atrikasa izay natao teto Antananarivo ny 01 Aogositra 2025 teo tao amin’ny tranoben’ny Firaisamonimpirenena Ambatonankaga, Antananarivo. Maro ireo nandray anjara tamin’izany, anisan’izany ny solombavambahoakan’i Madagasikara, ny filohan’ny vaomiera misahana ny tontolo iainana ao amin’ny Antenimieram-pirenena sy ireo mpikambana ao aminy. Teo koa ireo solontenan’ny fikambanana avy amin’ny fiarahamonim-pirenena, ny sendikà, ny minisiteran’ny Jono sy Toekarena Manga, ny minisiteran’ny Tontolo iainana, ny FIVIMPAMA, ary ny fikambanan’ny tanora, vehivavy ary ireo mpanakanto. #MPEB #Atrikasa_fifanakalozana #CESC #Nouvelle_Calédonie
Kaominina Ambonivohitra Toamasina ,Distrikan’i Toamasina I, Faritra Atsinanana . Fampiofanana mikasika ny fiompiana trondro an-dobo ivelan’ny Tany
Azo anaovana fiompiana trondro avokoa ny toerana rehetra na an-drenivohitra na ambanivohitra saingy ilaina ny fiofanana hampahomby azy.Araka izany dia niisa 19 indray ireo Tonga niatrika fiofanana tao Toamasina, renivohitry ny faritra Atsinanana mahakasika ny fampiofanana trondro an-dobo ivelan’ny tany ny nataon’ny ekipan’ny Fitaleavam-paritry ny Jono sy ny Toekarena Manga DRPEB Atsinanana ny faha 31 Jolay 2025 teo. Nozaraina tamin’ireo mpiofana ireo pitsopitsony rehetra mikasika ny teknika nifandraika amin’ity karazana fomba fiompiana trondro ity. #MPEB #DRPEB #ATSINANANA #Fiofanana_fiompiana_trondro__andobo_ivelan_ny_tany #Asa_Manga